أفضل التطبيقات للخروج في العيد

لو مش مسافر العيد دا و مش عارف تخرج فين شوف التطبيقات ديه و هي هتساعدك تقرر تخرج فين

دليل السنيما ( أندرويد - iOS )

هيقولك تطبيق دليل السنيما على الأفلام الموجودة في السينما و ايه أقرب سنيما ليك ، و من خلال التطبيق تقدر تعرف مواعيد العرض في كل سينما و كمان نمرة السينما عشان لو عايز تحجز ، و لو بدور على نوع افلام معين ، تقدر تقسم الأفلام على حسب نوعها و اللغة و إذا كان 3D او لأ .

تطبيق Foursquare ( أندرويد - iOS )

بأستخدام Foursquar هتقدر تعرف ايه أماكن الخروج و المطاعم المجاورة لك ، و هتقدر تعرف رأي الناس فيها ، و لو عايز تروح مطعم معين تقدر تبحث عنه من التطبيق و تعرف مكانه على الخريطة و ازاي تقدر توصله .

تطبيق بيقولك ( أندرويد - iOS )

تطبيق بيقولك هيقولك الحالة المرورية لطريقك و هيساعدك تتجنب الزحمة ، و لو بتركب تاكسي دلوقتي تقدر تحسب أجرة التاكسي من البرنامج .

تطبيق Zoboon ( أندرويد - iOS )

مع تطبيق Zoboon هتاخد نقط و خصومات لما تاكل او تشتري من مطاعم و محلات معينة ، كل الي عليك انك لما تاكل او تشتري في اي من المحلات المحددة انك تطلب انك تاخد نقط Zoboon ، و تقدر تستخدم النقط الي جمعتها في انك خصومات او قسيمة شراء .

حول العالم

بحث هذه المدونة الإلكترونية