استنكرت عائشة الشاطر، ابنة خيرت الشاطر، نائب مرشد "الإخوان المسلمين" تناقض الإعلام في تناول الموضوعات التي تخص أبيها. وقالت الشاطر الشاطر في تصريح لها على موقع التواصل الاجتماعي "فيس بوك": "طيب حيرتونا الجرايد الصفرا كانت علطول من ساعات ما أبي الحبيب "خيرت الشاطر" اتقبض عليه لحد لوقتي تقول انه المسئول عن كل حاجة بتحصل هو اللي بيقطع الكهربا و المياه و هو اللي بيعمل التفجيرات و هو اللي مسئول عن الحراك في الشارع و هو المسئول عن أنصار بيت المقدس و داعش و اي حاجة ظهرت و حصلت او لسه مظهرتش او محصلتش". وأضافت: "مسئول عن كل ده و هو اغلب الوقت ممنوع عنه الزيارة و لما بتبقي فيه زيارة بتبقي من ورا حائل زجاجي و الزيارة متراقبه بالصوت و الصورة". وتابعت: "دلوقتي بيقولوا خيرت الشاطر بيعمل مبادرة علشان يخرج من السجن مقابل الاعتراف بالسيسي رئيس والوضع الحالي. واختتمت: "طيب حيرتونا معاكم هو "خيرت الشاطر" عندكم إرهابي و بيعمل كل حاجة وحشة و لا حلوو بيعمل مبادرات و بيعترف بالسيسي".." كدابين في كل حاجة".
تعليقات
إرسال تعليق