1) كوبايه كبيرة دقيق 2) معلقه كبيرة نشا 3)قطعة صغيرة جدا من الخميره البيره ومش الفورية 4) كوبايه الا ربع ماء 5)زيت للتحمير
الشربات :
كوبايتين سكر + كوباية ميه + شريحة برتقال او نصف لمونه
ويوضع على النار حتى يصير سميك جدا ونحط كيس فانيليا ويترك حتى يبرد تماما بريئة يا بيه
الطريقة :
نضع الدقيق والنشا فى طبق وندوب الخميرة في الميه ونصبها على الدقيق مع التقليب جيدا حتى تصير العجينة ليها عرق وغطيها ونتركها حتى تخمر اي تعلى فى الطبق وتصبح ضعف الكمية ونجيب حاجه غويطة وصغيرة انا عن نفسى باستعمل اصغر حلة في طقم الالومونيوم بتاعى علشان اوفر في كميه الزيت المستخدم علشان لازم الزيت يبقي كتير في الحلة او الطاسه المستخدمة وبعد لما الزيت يتقدح كويس اجيب معلقة صغيرة وابلها ميه واخد من العجينة بالمعلقة قطع صغيرة جدا واضعها فى الزيت المقدوح لحد ما الاقى الزلبية نفشت فى الحلة وقبل ما تحمر انشلها من الزيت واحط كمية غيرها حتى اخلص كل العجينة وبعدين اخد اللى تلعطه من الزيت وارد الزالبية تانى فى الزيت حتى تحمر وتصير لونها ذهبى (وهو ده سر القرمشة )يا سلام
وبعدين احط اللى يطلع من الزيت في الشربات السميك جدا وترص في طبق التقديم
تعليقات
إرسال تعليق